വായിക്കാൻ മറന്നത്

വായിക്കാൻ മറന്നത്

(ചെറുകഥ)

രചന : പ്രദീപ് മൂടാടി

വിയർത്തലഞ്ഞും വണ്ടിവലിച്ചുമായിരുന്നയാൾ കുടുംബം പോറ്റിയിരുന്നത്. അയാളുടെ ഇഷ്ടങ്ങൾക്കവിടെ സ്ഥാനമില്ലായിരുന്നു.

 മകൾക്കിഷ്ടമുള്ളതു വാങ്ങുമ്പോളയാൾ ഇടയ്ക്കിടക്ക് തൻ്റെ കുപ്പായക്കീശ ഊതിവീർപ്പിച്ചു നോക്കാറുണ്ടായിരുന്നു. വാങ്ങാനുള്ള സാധനത്തിൻ്റെ ലിസ്റ്റ് കൈകളിൽത്തരുമ്പോഴും

കീശയിലേക്കയാൾ നോക്കാറുണ്ടായിരുന്നു.

മകളും ഭാര്യയും, ആവശ്യങ്ങളുടെ വെടിക്കെട്ടിനു തീകൊടുക്കുന്നതിനുമുമ്പ് അയാളെ അറിയാറില്ലായിരുന്നു.

അയാളാവട്ടെ ആരോടുമൊന്നും പറയാറില്ലായിരുന്നു.

കത്തിക്കാളുന്ന ഉച്ചവെയിലിൻ്റെ ഉഗ്രതാപത്തിലുംതൻ്റെചോര വിയർപ്പാക്കി തൻ്റെ കുടുംബത്തിനെ രക്ഷപ്പെടുത്താനുള്ള ആഗ്രഹത്തിൽ, ഉച്ചഭക്ഷണംപോലും

ഒരു ചായയും എണ്ണക്കടിയുമായൊതുക്കി, ഊണിൻ്റെ വിലയിൽനിന്നും 30 രൂപ മിച്ചംപിടിക്കാറുണ്ടായിരുന്നു.

മകൾ വലുതായതയാൾ ഓർമ്മിച്ചില്ല. ഭാര്യ ശ്രദ്ധയിൽപ്പെടുത്തിയതുമില്ല.

ഒന്നല്ലേ! കൺമണിയല്ലേ! ഇല്ലായ്മയും വല്ലായ്കയും, അറിയിച്ചില്ല; തെറ്റായിരുന്നത്. 

അറിയണം നമ്മുടെ മക്കൾ, ജീവിതമെന്താണെന്ന്. വിശപ്പെന്താണെന്നറിയിക്കണമവരെ, രക്ഷിതാക്കൾ. മകൾ, അവളുടെ ഇഷ്ടംനോക്കിപ്പോയപ്പോളായിരുന്നു അയാൾക്കാദ്യമായി ഒരു കാര്യം മനസ്സിലായത്, ഇത്രനാളും താൻ ജീവിക്കുകയായിരുന്നില്ലെന്ന സത്യം!

⊶⊷⊶⊷❍❍⊶⊷⊶⊷

𝚌𝚘-𝚘𝚛𝚍𝚒𝚗𝚊𝚝𝚘𝚛 :

𝚃𝙷𝙰𝙽𝙺𝙰𝙼𝙼𝙰 𝙺𝙰𝙿𝙸𝙻𝙽𝙰𝚃𝙷

94962 63144

𝚂𝚄𝚁𝙴𝚂𝙷 𝙴𝚁𝚄𝙼𝙴𝙻𝚈

86065 44750

𝚠𝚠𝚠.𝚟𝚊𝚛𝚊𝚖𝚘𝚣𝚑𝚒.𝚒𝚗