വിഷുക്കണി

വിഷുക്കണി

(കവിത)

രചന : ശ്രീധരൻ കോടിയത്ത്

വിഷുപ്പുലരിയിൽ പൂജാമുറിയിൽ

കണിയൊരുക്കി അമ്മതൻ കയ്യാൽ,

കത്തിജ്ജ്വലിക്കും വിളക്കിൻ മുന്നിൽ

തെളിനീര് തഴുകി മിഴികൾ തുറന്നു.

തിരുമുടിയിൽ മയിൽ‌പീലി ചാർത്തി

ഓടക്കുഴലുമേന്തി ഓട്ടുതളികയിൽ

തങ്കപ്പൊലിമയേറും വർണത്തിൽ

ഉണ്ണിക്കണ്ണൻ പ്രശോഭിതനായി!

                       

വർണ്ണശബളമാം കണിക്കൊന്നയും

നവധാന്യങ്ങളും നിറഞ്ഞ തളികയും,

മലനാടിന്നഭിമാനമാം ഉണ്ണിയപ്പം-

നിറച്ചൊരു തളിക വേറെയും.

                              

നാനാജാതി പഴവർഗങ്ങളും

മറ്റനേകം കാർഷീക വിഭവങ്ങളും

സ്വർണാഭരണവും നാണയങ്ങളും,

നിലവിളക്കിൽ വെട്ടിത്തിളങ്ങി

                               

കണ്ണനെക്കണ്ടു കൺകുളിർക്കെ

പ്രാർത്ഥിച്ചു സർവൈശ്വര്യത്തിന്നായ്

വർഷഫലത്തിന്റെ ഓർമക്കായ്

സ്വീകരിച്ചമ്മതൻ വിഷുക്കൈനീട്ടവും.

രചന : ശ്രീധരൻ കോടിയത്ത്

⊶⊷⊶⊷❍❍⊶⊷⊶⊷

𝚌𝚘-𝚘𝚛𝚍𝚒𝚗𝚊𝚝𝚘𝚛 :

𝚃𝙷𝙰𝙽𝙺𝙰𝙼𝙼𝙰 𝙺𝙰𝙿𝙸𝙻𝙽𝙰𝚃𝙷

94962 63144

𝚂𝚄𝚁𝙴𝚂𝙷 𝙴𝚁𝚄𝙼𝙴𝙻𝚈

86065 44750

𝚠𝚠𝚠.𝚟𝚊𝚛𝚊𝚖𝚘𝚣𝚑𝚒.𝚒𝚗