വല

വല

(കവിത)

രചന : ബാലകൃഷ്ണൻ മൊകേരി

നൂലിൽ തൂങ്ങിയിറങ്ങുകയാണൊരു

ചേലിൽ കുഞ്ഞു ചിലന്തി !

കാണാൻ രസമുണ്ടെന്നാലവനൊരു

വലയുണ്ടാക്കുകയത്രേ,

പൂന്തേനുണ്ണാനിതുവഴി പോകും

പാവം ശലഭപ്പെണ്ണാൾ ,

വലയിൽ ചെന്നു കുരുങ്ങും നാളെ-

യതിവനോ ഭക്ഷണമാകും !

പ്രകൃതിയൊരുക്കും നീതിയിതാണെ-

ന്നോർത്തു, പെരുത്തു ദുഃഖം !

ജാഗ്രതയോടെ നടക്കണമെന്നാൽ,

വലയിൽ ചെന്നു പെടില്ല,

ജീവിതമിങ്ങനെയാണെന്നാരോ

മന്ത്രിക്കുകയാണുള്ളിൽ!

⊶⊷⊶⊷❍❍⊶⊷⊶⊷

വരമൊഴി

കോഡിനേറ്റർ

തങ്കമ്മകപിൽനാഥ്

94962 63144

സുരേഷ് എരുമേലി

86065 44750

ശരണ്യ ലിജിത്

7356176550

║▌║█║▌│║▌║▌██║▌